ଓଡିଶା
ବହୁ ପ୍ରତୀକ୍ଷାର ଅନ୍ତ: ଖଡିକାରପଡ଼ାରେ ପହଞ୍ଚିଲା ବିଦ୍ୟୁତ୍, ଶୁଭାରମ୍ଭ କଲେ କଳାହାଣ୍ଡି ସାଂସଦ
କୋମନାରେ ବିଦ୍ୟୁତ୍ ସେବାର ଶୁଭାରମ୍ଭ କଲେ ସାଂସଦ ମାଳବିକା ଦେବୀ
ନୂଆପଡ଼ା, ୦୮/୦୫ (ଜିଲ୍ଲା ଖବର): ନୂଆପଡ଼ା ଜିଲ୍ଲା କୋମନା ବ୍ଲକ ଅନ୍ତର୍ଗତ ଖଡିକାରପଡ଼ା ଗ୍ରାମବାସୀଙ୍କ ଦୀର୍ଘ ଦିନର ସମସ୍ୟାର ସମାଧାନ ହୋଇଛି। ଗ୍ରାମରେ ବିଦ୍ୟୁତ୍ ସେବା ନଥିବାରୁ ଅନ୍ଧାରରେ ରହୁଥିବା ଗ୍ରାମବାସୀ ଅନେକ ଅସୁବିଧାର ସମ୍ମୁଖୀନ ହେଉଥିଲେ। ଏହି ଗୁରୁତର ସମସ୍ୟା ପ୍ରତି ଦୃଷ୍ଟି ଦେଇ କଳାହାଣ୍ଡି ସାଂସଦ ମାଳବିକା ଦେବୀ ରାଜ୍ୟର ମୁଖ୍ୟମନ୍ତ୍ରୀ ଏବଂ ଶକ୍ତି ମନ୍ତ୍ରୀଙ୍କ ସହ ଆଲୋଚନା କରି ତୁରନ୍ତ ବିଦ୍ୟୁତ୍ ସଂଯୋଗ ପାଇଁ ଦାବି କରିଥିଲେ।ସାଂସଦଙ୍କ ପ୍ରଚେଷ୍ଟା ଫଳରେ ଆଜି ସକାଳ୮ଟାସମୟରେଖଡିକାରପଡ଼ାରେ ଆନୁଷ୍ଠାନିକ ଭାବେ ବିଦ୍ୟୁତ୍ ସେବାର ଶୁଭାରମ୍ଭ କରାଯାଇଛି। ସାଂସଦ ମାଳବିକା ଦେବୀ ନିଜେ ଉପସ୍ଥିତ ରହି ଏହି କାର୍ଯ୍ୟକ୍ରମର ଉଦ୍ଘାଟନ କରିଛନ୍ତି। ଗ୍ରାମକୁ ଆଲୁଅ ଆସିବା ପରେ ସ୍ଥାନୀୟ ଅଞ୍ଚଳରେ ଖୁସିର ଲହରୀ ଖେଳିଯାଇଛି ଏବଂ ଗ୍ରାମବାସୀମାନେ ସାଂସଦଙ୍କୁ କୃତଜ୍ଞତା ଜଣାଇଛନ୍ତି।ଉପସ୍ଥିତ ଅତିଥି:ଏହି ଶୁଭାରମ୍ଭ ଅବସରରେ ସାଂସଦଙ୍କ ସମେତ ନୂଆପଡ଼ା ବିଧାୟକ ଜୟ ଢୋଲକିଆ, ଭେଲା ଗ୍ରାମପଞ୍ଚାୟତର ସରପଞ୍ଚ ବିମଳ ଯୋଶୀ ଏବଂ ଅନ୍ୟାନ୍ୟ ସ୍ଥାନୀୟ ନେତୃବୃନ୍ଦ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ଶତାଧିକ ଗ୍ରାମବାସୀ ସାମିଲ ହୋଇ ବିଦ୍ୟୁତ୍ ସଂଯୋଗକୁ ସ୍ୱାଗତ କରିଥିଲେ।ଏହି ସେବା ପହଞ୍ଚିବା ଫଳରେ ଗ୍ରାମର ଛାତ୍ରଛାତ୍ରୀ ଏବଂ ସାଧାରଣ ଲୋକେ ବେଶ୍ ଉପକୃତ ହେବେ ବୋଲି ଆଶା କରାଯାଉଛି।
ନୂଆପଡା ଜିଲ୍ଲା ରୁ ଓମ ପ୍ରକାଶ ଚୌଧୁରୀ, ଙ୍କ ରିପୋର୍ଟ ଜିଲ୍ଲା ଖବ
