ସିଆଇଆଇ ଆଦର୍ଶ ମହିଳା ସମ୍ମାନ ପାଇଲେ ଆଇଜିଏସ ଯାଜପୁର ପ୍ରକଳ୍ପର ଲକ୍ଷ୍ମୀପ୍ରିୟା

ଯାଜପୁର ରଂଜିତ ମହାନ୍ତି

ଭୁବନେଶ୍ୱର, ଇଣ୍ଡିଆନ ଗ୍ରାମୀନ ସର୍ଭିସେସ (ଆଇଜିଏସ) ଯାଜପୁର ପ୍ରକଳ୍ପ ମୁଖ୍ୟ ଲଷ୍ମୀପ୍ରିୟା ପରିଡା ସିଆଇଆଇ ଆଦର୍ଶ ମହିଳା ସମ୍ମାନ ପାଇ କମ୍ପାନୀ ଓ ଓଡିଶା ପାଇଁ ଗୌରବ ଆଣିଥିବା ଜଣାଯାଇଛି | ନୂଆଦିଲ୍ଲୀରେ ଆୟୋଜିତ ସିଆଇଆଇ ବାର୍ଷିକ ବ୍ୟବସାୟ ଭେଟଘାଟ ୨୦୨୬ ଅବସରରେ ମଇ ୧୨ ତାରିଖ ଦିନ ତାଙ୍କୁ ଏହି ସମ୍ମାନ ମିଳିଛି | ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ଲଷ୍ମୀଙ୍କ ସମେତ ଭାରତ ର ବିଭିନ୍ନ ପ୍ରାଙ୍ଗଣରୁ ଆହୁରି ୧୯ ଜଣ ମାତୃଶକ୍ତିଙ୍କୁ ସମ୍ମାନିତ କରାଯାଇଥିଲା | ମାନ୍ୟବର କେନ୍ଦ୍ର ଶିକ୍ଷା ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆୟୋଜିତ କାର୍ଯ୍ୟକ୍ରମରେ ଉପସ୍ଥିତ ରହି ଏହା ପ୍ରଦାନ କରିଥିଲେ |

ଭାରତର ବିଭିନ୍ନ ପ୍ରାନ୍ତରୁ ମୋଟ ୩୭୬ ଜଣ ମହିଳା ଏହି ପୁରସ୍କାର ପାଇଁ ଆବେଦନ କରିଥିଲା ବେଳେ ସେମାନଙ୍କ ମଧ୍ୟରୁ ୨୦ ଜଣଙ୍କୁ ଫାଇନାଲିଷ୍ଟ କରାଯାଇଥିଲା |

ଲଷ୍ମୀପ୍ରିୟାଙ୍କ ଏହି ଯାତ୍ରା ଅତି କଠିନ ଥିବା ଜଣାଯାଏ | ୧୯୯୩ରେ କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକର ଏକ ଛୋଟିଆ ଗାଁରୁ ଆରମ୍ଭ ହୋଇଥିବା ଲଷ୍ମୀପ୍ରିୟାଙ୍କ ଯାତ୍ରା ୨୦୧୦ରେ ଆଇଜିଏସ ସହ ଯୋଡିହୋଇ ମଙ୍ଗଳାଯୋଡ଼ି ଇକୋଟୁରିଜିମରୁ ଆରମ୍ଭ ହୋଇଥିଲା | ପରେ ରାୟଗଡ଼ା, ଶିମିଳିପାଳ ମୟୂରଭଞ୍ଜ, ସୁନ୍ଦରଗଡ଼ ଓ ଯାଜପୁରରେ ମହିଳାଙ୍କ ଜୀବନ ଜୀବିକା ପାଇଁ କାମ ଜାରି ରଖିଛନ୍ତି | ସେ କେବେ କୌଣସି କାମ ହୋଇପାରିବ ନାହିଁ ବୋଲି ଭାବି ନାହାନ୍ତି, ଯେତେ ଦୁର୍ଗମ ଅଞ୍ଚଳ ହୋଇଥିଲେବି ସେ ଖୁସି ମନରେ କାମ କରି ସଫଳତା ଆଣିପାରନ୍ତି।ସମସ୍ତ କର୍ମଚାରୀଙ୍କୁ ସାଙ୍ଗରେ ନେଇ କାମ କରିବାରେ ତାଙ୍କର ଅସୁବିଧା ନାହିଁ | ସେଥିପାଇଁ ସେ ଯେଉଁ କାମରେ ହାତ ଦିଅନ୍ତି ତାହା ଶେଷ ହେଲା ଯାଏ ତାକୁ ଛାଡ଼ନ୍ତି ନାହିଁ |

ଆୱାର୍ଡ଼ ପାଇବା ପରେ ଲକ୍ଷ୍ମୀ ଙ୍କୁ ପଚାରିବାରୁ ସେ କହିଥିଲେ ଆଜି ଏ ପର୍ଯ୍ୟନ୍ତ ପହଞ୍ଚି ପାରିଛି ତା ପଛରେ ଅନେକ ଲୋକଙ୍କ ହାତ ଥିଲେ ମଧ୍ୟ ଡକ୍ଟ ସଞ୍ଜୀବ ଷଡ଼ଙ୍ଗୀଙ୍କ ପ୍ରେରଣା, ସହକର୍ମୀ ଓ କର୍ମ କ୍ଷେତ୍ରର ମହିଳା ମାନଙ୍କ ଭଲପାଇବା ପାଇଁ ସମ୍ଭବ ହୋଇପାରିଛି। ଏହି ଅବସରରେ ସେ ସମସ୍ତଙ୍କୁ ତାଙ୍କ ହୃଦୟରୁ ଧନ୍ୟବାଦ ଅର୍ପଣ କରିଛନ୍ତି |