ନୂଆପଡ଼ାରେ ଗର୍ଜିଲେ ଆଦିବାସୀ: ପାରମ୍ପରିକ ଅସ୍ତ୍ର ସହ ଜିଲ୍ଲାପାଳ କାର୍ଯ୍ୟାଳୟ ଘେରାଉ

​ନୂଆପଡ଼ା (ଜିଲ୍ଲା ଖବର ଲାଇଭ୍), ୨୨/୦୫:(ଓମ ପ୍ରକାଶ ଚୌଧୁରୀ )​ରାଜ୍ୟ ସରକାରଙ୍କ ଆଦିବାସୀ ବିରୋଧୀ ନୀତି ଏବଂ ଅବହେଳା ବିରୋଧରେ ଆଜି ନୂଆପଡ଼ା ଜିଲ୍ଲା ସଦର ମହକୁମାଠାରେ ଆଦିବାସୀ ସମାଜ ପକ୍ଷରୁ ଏକ ବିଶାଳ ଆନ୍ଦୋଳନର ସୂତ୍ରପାତ ହୋଇଯାଇଛି। ଜିଲ୍ଲା ଆଦିବାସୀ କଲ୍ୟାଣ ସଂଘ ଏବଂ ଜିଲ୍ଲା ଆଦିବାସୀ କଲ୍ୟାଣ ମହାସଂଘର ମିଳିତ ଆନୁକୂଲ୍ୟରେ ହଜାର ହଜାର ଆଦିବାସୀ ଏକତ୍ରିତ ହୋଇ ରାଜ୍ୟ ସରକାରଙ୍କ ଆଦିବାସୀ ମାରଣ ନୀତି ବିରୋଧରେ ତୀବ୍ର ପ୍ରତିବାଦ କରିବା ସହ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି।​ପାରମ୍ପରିକ ଅସ୍ତ୍ରଶସ୍ତ୍ର ସହ ବିଶାଳ ଶୋଭାଯାତ୍ରା​ଆଜି ସକାଳୁ ଜିଲ୍ଲାର କୋଣଅନୁକୋଣରୁ ହଜାର ହଜାର ଆଦିବାସୀ ପୁରୁଷ ଓ ମହିଳା ନିଜର ପାରମ୍ପରିକ ପୋଷାକ ଏବଂ ଧନୁ-ତୀର, ଟାଙ୍ଗିଆ ଆଦି ପାରମ୍ପରିକ ଅସ୍ତ୍ରଶସ୍ତ୍ର ଧରି ସହର ମଧ୍ୟରେ ଏକ ବିରାଟ ଶୋଭାଯାତ୍ରା ବାହାର କରିଥିଲେ। ସରକାରଙ୍କ ବିରୋଧରେ ବିଭିନ୍ନ ନାରାବାଜି କରି ସାରା ସହର ପରିକ୍ରମା କରିବା ପରେ ଏହି ଶୋଭାଯାତ୍ରା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲା। ସେଠାରେ ଆଦିବାସୀମାନେ କାର୍ଯ୍ୟାଳୟ ସମ୍ମୁଖକୁ ଘେରାଉ କରି ରଖିବା ସହ ଏକ ବିକ୍ଷୋଭ ସଭାର ଆୟୋଜନ କରିଥିଲେ।​ଅଗ୍ରଣୀ ନେତୃତ୍ୱ ଓ ବିକ୍ଷୋଭ ସଭା​ଏହି ବିକ୍ଷୋଭ ସଭାରେ ରାଜ୍ୟସଭାର ପୂର୍ବତନ ସାଂସଦ ନିରଞ୍ଜନ ବିଶି, ନୂଆପଡ଼ା ଜିଲ୍ଲା ପରିଷଦ ଅଧ୍ୟକ୍ଷା ଡଲି ମାଝୀ ଏବଂ ଜିଲ୍ଲା ପରିଷଦ ସଭ୍ୟ ଭାନୁପ୍ରତାପ ସିଂ ମାଝୀଙ୍କ ସମେତ ଜିଲ୍ଲାର ଅନେକ ବରିଷ୍ଠ ଆଦିବାସୀ ନେତା ସାମିଲ ହୋଇ ସରକାରଙ୍କ ଉପରେ ବର୍ଷିଥିଲେ। ବକ୍ତାମାନେ ନିଜ ଅଭିଭାଷଣରେ କହିଥିଲେ ଯେ, ରାଜ୍ୟ ସରକାର ଆଦିବାସୀମାନଙ୍କ ବିକାଶ ନାମରେ କେବଳ ଡିଣ୍ଡିମ ପିଟୁଛନ୍ତି, କିନ୍ତୁ ବାସ୍ତବ କ୍ଷେତ୍ରରେ ସେମାନଙ୍କୁ ସମସ୍ତ ମୌଳିକ ଅଧିକାରରୁ ବଞ୍ଚିତ କରାଯାଉଛି। ସରକାରଙ୍କ ଏଭଳି ଆଦିବାସୀ ବିରୋଧୀ ମନୋଭାବକୁ ଆଗାମୀ ଦିନରେ ବରଦାସ୍ତ କରାଯିବ ନାହିଁ ବୋଲି ସେମାନେ ଚେତାବନୀ ଦେଇଛନ୍ତି। ​ଆଦିବାସୀ ସଂଘ ପକ୍ଷରୁ ସରକାରଙ୍କ ନୀତି ଉପରେ ଅନେକ ଗୁରୁତର ଆଦିବାସୀ ପିଲାମାନଙ୍କ ଉତ୍ତମ ଶିକ୍ଷା ପାଇଁ ଉଦ୍ଦିଷ୍ଟ ‘ଅନ୍ୱେଷା’ ଯୋଜନାକୁ ସରକାର ସଠିକ୍ ଭାବେ କାର୍ଯ୍ୟକାରୀ କରୁନାହାନ୍ତି। ​ ଆଦିବାସୀ ଛାତ୍ରଛାତ୍ରୀଙ୍କ ପାଇଁ ଷ୍ଟାଇପେଣ୍ଡ ୫୦ ହଜାର ଟଙ୍କାକୁ ବୃଦ୍ଧି କରିବାକୁ ଦାବି କରାଯାଇଛି। ​ଆଇନର ଅବମାନନା: ଜଙ୍ଗଲ ଅଧିକାର ଆଇନ (FRA) ୨୦୦୬ ଏବଂ ‘ପେଶା’ (PESA) ଆଇନକୁ ରାଜ୍ୟ ସରକାର ଜିଲ୍ଲାରେ ଉପଯୁକ୍ତ ଗୁରୁତ୍ୱ ଦେଉନଥିବା ଯୋଗୁଁ ଆଦିବାସୀମାନେ ନିଜ ଜଳ, ଜଙ୍ଗଲ ଓ ଜମିର ଅଧିକାର ହରାଉଛନ୍ତି।​​ସରକାରୀ ଯୋଜନାର ସଫଳ ରୂପାୟନ ଏବଂ ସମସ୍ତ ବଞ୍ଚିତ ଆଦିବାସୀଙ୍କୁ ନ୍ୟାୟ ପ୍ରଦାନ ଦାବିରେ ସଂଘ ପକ୍ଷରୁ ନୂଆପଡ଼ା ଜିଲ୍ଲାପାଳ ମଧୁସୂଦନ ଦାଶଙ୍କ ଜରିଆରେ ଓଡ଼ିଶାର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ବା ଦାବିପତ୍ର ପ୍ରଦାନ କରାଯାଇଛି। ଯଦି ଆଗାମୀ ଦିନରେ ଏହି ଦାବିଗୁଡ଼ିକ ଉପରେ ସରକାର ଦୃଢ଼ ପଦକ୍ଷେପ ନ ନିଅନ୍ତି, ତେବେ ସାରା ରାଜ୍ୟରେ ଆନ୍ଦୋଳନକୁ ଆହୁରି ବ୍ୟାପକ ଓ ତୀବ୍ର କରାଯିବ ବୋଲି ଆଦିବାସୀ ମହାସଂଘ ଚେତାବନୀ ଦେଇଛି।